Sūpluok – 2009

Sovvaļnīks (Ingars Gusāns) – balss, ģitāra, aranžija

Gints Stankevičs – taustiņi, ieraksts, aranžija

Andris Šīrants – bass

Guntra Kuzmina – balss (9. dziesma)

PATS SEVĪ DZEIVS

Par daudz svešu vuordu golvā

Par daudz svešu drēbu mugorā.

Stuovu plyks kai prīde

Syltā janvara leitā

Pats Sevī Dzeivs

Kū dor meža vydā?

Juopaceļ sāta

A spāka viņ tāva padūms

Da babys puosaceņa.

(O.Seiksts) ***

TOVA DĪNA
Puorsaceišu dzīsmeiti
Teirim vuordim boltu dīnu
Cauri aizlaikim pret reitu
Paticeišu dzīsmeiti
Tovim vuordim munu sirdi
Paliksim mes tī kas poši
Puori myužim cauri myurim
Apleik trejim muoneituojim
Vyso loba tova dīna, vysa loba muna dīna
Vysa loba muna dīva, vysa loba tova dīva – pats.

Reiteņūs kur iztak saule
Vydur malim spūdra dīna
Vydā malim dzeive dūma
Vysim tovim munim myusim
Vysur nabreivim i draugim
(O.Seiksts)

***

VYSI VIEJI
Vysi vieji
Apgluosteiti
Vysi dabasi
Aizrunuoti
Maņ teve moz
Acs
Atsadeve acim,
Lyupys – lyupom,
Rūkys – rūkom
I pieški prosamūdu

Maņ šaļtim
Korstys lada pučis
Zeimejās
Es beistūs
Tovu pavasari
Apsaļdēt
(L.Rundāne)

***

Atrasšu tevi
Bezvuordu dzīsme
Golvā ierškeižu vaiņugu līk
Kūžās
Bezsaulis dīna
Pa kuojom pynās
Nadzeist
Es atrasšu tevi i
Kluseņom daklauviešu
Nasceišu nikuo, vīn klauseišūs
Kū tovys rūkys munom lyupom stuosta

Bezsaulis dīna
Pa kuojom pynās
Nadzeist
Bezpeipu palni
Motūs bierst
Saleipst
(L.Rundāne)

***

Aiz azara bolti bārzi
Bolti bārzi zaļūs skustūs
Puorsavērte krystūs
Krysts pi krysta
Krysts pi krysta
Vysa zeme krystūs systa

Aiz azara bolti bārzi
Vysa zeme kauls pi kaula
Bārzūs boltu krystu rynda
Jezups, Boļuss, calms i prīde
Brouļs pi bruoleiša
Kūks pi kūceņa
Vosora voi zīmeņa
Aiz azara bolti bārzi
Sudobreņa lapeņom
(V.Lukaševičs)

***

GRIBĒT NAVARŪT
Syltūs vosorys vokorūs es īmu
Kai iz nešporu tovu mīsu turēt
Pa reizei bezvērts prīceibom sacyn
Koldrē īteit tevi i žāluot
Navar gribēt navarūt
Vajag pajimt najamūt
Ni tys tovs ni muns
Otkon vaicuojums

Kai šmakovkys sapeitom rūkom
Līku tevi ar napraškys žestu
Beistūtīs kai čāguons nu blisis nudi
Tovu ocu prīceigūs zirkleišu
(V.Lukaševičs)

***

PA SKURSTINI BOLTI DYUMI
Pa skurstini bolti dyumi
Kurynoj pierti deļ sābrim
Jī atīt i īrauga
Ka apleicīne aizaugusi nuotrem
Inkviziceja nabyus gara
Pats sevi graizu ar nazi
Nūtak gādnais ašnis
Tān var īt sagrīzt maizi
(V.Lukaševičs)

***

GRUOMOTAM NAVĀ VUOKU
Aiztais lūgu
Kab saule napyuš
Da, tai iraida
Kai soku
Muns školuotuojs
Pajēma lizeiku
Par stundi
Izkosa oku
Ilgi ruopuoja
Pa zuoli
Atroda mieness osorys
Īmeta tuos tukšajā okā
Ar snīgu tān vosorys
Volūdā jauni vuordi
Gruomatam navā vuoku

A zīmā puču duorzi
Akācejis Riezeknes parkūs
(V.Lukaševičs)

***

GRUOMOTU LOSŪT

Skaisti ir īīt
Cyta dvēseles duorzā,
Īkūptā,
Sazīdynuotā.
Skaisti ir īīt
Cyta dūmuos
Kai brīstušuos druvuos,
Īsamaļdeit
Cyta atziņu ainuos,
Uztveres sprintuos…
Byut cyta ījiutu
Kruošņajūs labirintūs…
Izīt
Caur cyta gruomotu
Kai caur sudobra bērzi
Caur sudobra bērzi guoju
Na zareņa nanūlaužu

Skaisti ir meklēt
Un atrast
Cyta cylvāka goru,
Saprast,
Ka ir
Kas pīviļceiguoks
Par tū
Kū ikdīna
Uzspīž ar varu.
(M.Andžāne, L.t.dz.)

***

LAIKS VYSUS IZAICYNOJ

Laiks –
Kas zyna
Runuot pots sovā mēlē,
Vysus izaicynoj
Liktiņa spēlē.
Tys roksta:
Iz dvieselis nūjautom,
Sapruota dūmom,
Sirds jiutom …
Naskaitu mēnešu,
Dīnu,
Bo nav nu svora,
Cik godu
Te vodu …
Ir svareigi
Dvēselei apjaust
Tik vīnu,
Cik Dīva gaismai
Tei roda.

Tys izaicynoj,
Kab ītu ceiņā:
Vieliešonuos ar variešonu,
Gribiešona ar saprosšonu,
Vieliešonuos ar variešonu,
Patvareiba ar dreikstiešonu.
(M.Andžāne)